Supercoppa Italiana-ah Inter

Tun season-ah Milan derby hi ṭum thum a awm tawh a, Serie A-ah ṭum hnih an inkhelh tawh bakah Supercoppa Italiana-ah AC Milan leh Inter Milan te hi an inhmachhawn tawh a ni.

Supercoppa Italiana hi English football-a a tlukpui chu Community Shield a ni a, season hmasa lama Serie A leh Coppa Italia champion te an inhmachhawn ṭhin. Tun season Supercoppa Italiana hi January 18 khan khelh niin Riyadh, Saudi Arabia-ah khelh a ni.

January thlaa Riyadh-a an inhmachhawn ṭum hian Inter-in Federico Dimarco hmangin minute 10-na lekah an khung a, Edin Dzeko hmangin minute 21-naah an khung leh bawk.

Simone Inzaghi kaihhruai Inter hian an goal khung hma an vanneihpui a, Stefano Pioli hoa khel Milan-in inkhel thunun mah se a chhanletna tur goal an khung thei lo. Second half minute 77-naah Lautaro Martinez-a'n a khung belh a, Inter hi 3-0 ngawtin an chak.

Player Inlan

AC Milan (4-2-3-1): Tatarusanu; Calabria (Dest 79'), Kjaer (Kalulu 64'), Tomori, Hernandez; Tonali, Bennacer; Messias (Origi 65'), B. Diaz (De Ketelaere 64'), Leao; Giroud (Rebic 79')

Inter Milan (3-5-2): Onana; Skriniar, Acerbi, Bastoni (De Vrij 84'); Darmian, Barella (Gagliardini 71'), Calhanoglu (Asllani 84'), Mkhitaryan, Dimarco (Gosens 63'); Martinez, Dzeko (Correa 71')