AIFF ‘D’ Licence Coaching Course

10th May, 2023

MFA Golden Jubilee lawmna Programme kal zelah, All India Football Federation 'D' Licence Certificate Coaching Course chu May 8, Thawhṭanni aṭang khan Kolasib Sports Stadium-ah ṭan a ni.

Coaching course hi kar khat awh tur niin May 13, Inrinniah a zo ang. Course-ah hian mi 24 an tel a, coach Educator hi Danny Lalduhawma (AFC 'A') niin, chief coordinator R Lalrammawia (AFC 'C') leh asst. coordinator-ah R Lalruatfela (AFC 'B') te an awm.

AIFF D Certificate Course' hi All India Football Federation leh Mizoram Football Association ṭangkawpin a buatsaih a ni.