Serie A aṭangin Sampdoria an tla

Italian football inelna sang ber Serie A champion chu Napoli a ni tih a chiang fel chauh a, tunah chuan team 20 inel zing aṭangin Sampdoria an la fel tih a chiang ve leh ta - season tharah chuan Serie B an khelh a ngai dawn.

Thawhṭanni zan inkhelah Sampdoria hi Udinese mualah 2-0 in an tlawm. Udinese tan Roberto Pereyra leh Adam Masina te chuan chawlhlawk hmain goal khat ve ve an khung a, point mamawh Sampdoria lamin a chhanletna an nei lo.

Tun season Serie A pumpuiah Sampdoria hi vawi thum chiah an la chak, tun hnai an match hnuhnung pathumah phei chuan goal khung ve miah loin an tlawm fai vek - match khelh hmabak pali la nei mah se an inhamtang zo tawh lo a ni.

Dejan Stankovic-a naute an tlak rual hian Cremonese leh Spezia te chu tla mai thei dinhmunah an la ding ve bawk. A him china awm Hellas Verona chu point 27 an nei a, tla thei china awm te hian point thum leh point rukin an phak lo mek.