A chung berah kar 58

Iga Swiatek chu hmeichhe world number 1 a ni chhunzawm a, ranking sar berah hian a zawnin chawlhkar 58 chhung chu a awm ta - point 9625 neiin tunah chuan a dinhmun hi a la nghet ṭha rih hle.

Swiatek hi amah hnaih bertu Aryna Sabalenka aiin point 1744 in a sang zawk mek. Madrid Open final-ah khan Swiatek hian Sabalenka hi a hneh lo, an intawn hnuhnung berah chak lo mah se a dinhmun a la him.

Grand Slam champion hian ranking point 2000 an hmu ṭhin, major tournament dawta inelna ngaihhlut Masters leh Olympic champion tan point 1000 a ni thung, champion lai tan erawh point hmuh belh loin mahni point neihsa humhim a ngai ṭhin.

Emma Raducanu chu world number 103-naah a tlahniam. British tleirawl hian US Open 2021 nomawi a chawi hnuah beisei a la phak lo chhunzawm ngawr ngar a ni ber, tunah chuan a banrek hliam zai vangin a chawl mek.