IPL boruak a hot zel

Thawhṭanni zan Indian Premier League inkhelah Kolkata Knight Riders chuan Punjab Kings chu wicket ngain an hneh. Team tam zawkin match 11 an khel tawh a, point 10 hmu team nga zet an awm. Table mawngphaha awm Delhi Capitals tan pawh playoff khelh la beisei theih a ni.

Eden Gardens-a inkhelah Punjab Kings opener Prabhsimran Singh (12) leh Shikhar Dhawan (57) ten bul ṭan ṭha thaw khat mah se a tawp an khar ṭha tawk lo. Punjab hian over 20-ah 179/7 an siam a, a him tawk lo.

Chutihrualin KKR tan target hi umphak awlsam a ni chuang lo a, mualneitu batter-te an che ṭha rual. Jason Roy (38), Rahmanullah Gurbaz (15), Nitish Rana (51), Venkatesh Iyer (11), Andre Russell (42) ten 'double digit' runs an siam vek.

KKR tan ball hnih a la awmin chak turin run hnih siam a la ngai a, Arshdeep Singh-a'n Andre Russel a vawm hlum avangin ball tawp berah chak tur a la chaing lo. Mahse, Rinku Sing-a'n ball tawp berah four a hlap chhuak a, Kolkata-in hnehna an chang.