Kishan-a'n Rahul a thlak

World Test Championship final-a Australia hmachhawn turin Ishan Kishan chuan KL Rahul a thlak. Kum 31 mi Rahul hi IPL khelhnaah a ke dinglamah hliam a nei a, final hi a khel thei dawn lo.

KL Rahul hi May 1-a Lucknow Super Giants tana a fielding laiin a inhliam a, he inkhelah hian Royal Challengers Bangalore an hneh lo. Kum 24 mi Kishan hi ODI leh T20-ah te inlan tawh mah se Test match erawh a la khel lo thung.

Mumbai Indians wicketkeeper Kishan hi February thlaa Australia an mikhual ṭum khan match hmasa pahnihah squad-ah awm mah se a inlan lo ve ve .

World Test Championship final hi June 7-11, 2023 inkar hian London-ah khelh a ni ang. Australia hian June 16 aṭangin England nen Ashes Test an khel zui dawn a ni.