Burnley-in champion an lawm

Thawhlehni khan Burnley chuan Championship-a a champion an lawm a, nomawi nen bus hmangin Burnley kawtthler an fang a, mipui sing chuang an pung khawm.

Vicent Kompany hote hian Burnley khawpui an fan hnuah an mual Turf Moor-ah an lut. Clarets hian season ṭha tak an hman avangin Premier League khel turin an tling hma a, April 25 khan Lancashire derby-ah an hmelma Blackburn Rovers hnehin champion hi an nemnghet.

NFL star hlui JJ Watt pawh kawng zawhnaah hian a tel a, ani hian tun hnai khan Burnley-a neitu nihna tlem a zawng an lei. Clarets hian Thawhṭanni khan match hnuhnung berah Cardiff City 3-0 in an hneh a, tun season-ah point 101 zet an hmu a ni.