Glasner-a'n Frankfurt a chhuahsan dawn

Oliver Glasner chuan season tawpah Eintrancht Frankfurt a chhuahsan tur thu nimin khan a tichiang. Kum 48 mi Glasner hian VfL Wolfsburg a enkawl hnuin kum 2021 khan Frankfurt hi a zawm a, 2021-22 season khan Europa League-ah a champion pui.

Tun season-ah erawh Frankfurt hi an che ṭha tawk lo a, league-ah pakuana an awm mek. Chutihrualin Frankfurt hi UCL last 16-ah an inpetkai a, DFB Pokal final lutin nomawi chawi thei dinhmunah an ding bawk. German Cup hi June 3, Inrinni hian khelh a ni dawn a, RB Leipzig nen an inhmachhawn ang.