Rinkai Khatla South leh Bungkawn an chak

Chhinga Veng Branch YMA-in an branch Diamond Jubilee puala an buatsaih Thanpari Pautu Memorial Inter Branch YMA Basketball Tournament quarterfinal chu nimin khan Hawla Indoor Stadium-ah khelh a ni a, champion rinkai Khatla South leh Bungkawn ten hnehna an chang.

Khatla South hian Lalrina Renthlei telna Tuikhuahtlang hnehtu Kanan nen semifinal-ah an inhmachhawn ang. Bungkawn hian semifinal lut turin Nursery Veng an hneh a, semifinal-ah Ramhlun North leh Zarkawt chak zawk an hmachhawn dawn. Quarterfinal hi nizana khelh a nih avangin result kan hre hman lo.