Target um thiam Mumbai

Indian Premier League-ah Mumbai Indians-in a umtu zawk nih an thiamzia a pholang a, Thawhlehni zan khan Wankhede Stadium-ah Royal Challengers Bangalore chu wicket rukin an hneh.

Ṭhumvawrah Mumbai an vannei a, vawm hmasak an thlang. Glen Maxwell (68), Faf du Plessis (65) leh Dinesh Karthik (30) te hmangin Bangalore-in 199/6 runs an siam a, chakpui tham a ni.

Mahse, Mumbai hian Rajasthan Royals leh Punjab Kings target siam 212 runs leh 214 runs te chu an lo umpha tawh a, Bangalore lakah pawh an talbuai lo.

Mumbai tan Suraykumar Yadav-a'n a theihna a rawn lantir a, T20 specialist SKY hian ball 35 lekah 83 runs a siam. Nehal Wadhera-a'n ball 34-ah 52 runs a siam bawk a, over 16.3-ah 200/4 runs siamin Mumbai-in hnehna an chang.