Man United-in De Gea thlaktu an zawng?

Manchester Evening News-a Manchester United chanchin bika chief writer Samuel Luckhurst chuan David de Gea chu Man United-in no. 1 chelh reng tur atan an duh tawh lo lo niin a ziak.

Spanish keeper De Gea hian kum 2011 khan Old Trafford panin Van der Sar a thlak a, vawi 22 ngawt bul a ṭan hnuah Blackburn Rovers laka Man United an tlawm avangin Sir Alex Ferguson-a'n kum De Gea aiah Anders Lindegaard bul a ṭantir.

Thla 18 chhung De Gea a che ṭha tawk lo a, hemi hnu lamah erawh rinrawl a ni chho. Amaherawhchu De Gea hi a chesual ngun a, Spain squad-ah pawh a tel phak tawh lo. La Roja-a De Gea aia koh David Raya chu nakkumah a contract a zo dawn a, Brighton keeper Robert Sanchez erawh a aiah Jason Steele an thlang leh ta zawk.

Chutihrualin De Gea thlakna tur keeper lak tur hi an vang a, Man United hi Anderlecht goalkeeper Bart Verbruggen nen pawh sawizawm a ni. Mahse, kum 20 mi Dutch keeper Verbruggen hi rinrawl atan chuan tawnhriat a la ngah tawk lo deuh. Tun nipui bazarah Erik ten Hag-a'n keeper vanga an buaina hi chinfel an tum dawn a ni.