Watford manager thar Ismael

Championship club Watford chuan May 10, Nilaini khan manager atan Valérien Ismaël an puang. Hornets hian September 2019 aṭangin manager 11 an neihna chiah a ni.

Kum 47 mi Ismael hi a inkhelh hun laiin defender a ni a, a pianna khua Strasbourg-ah bul ṭanin Crystal Palace tan pawh a khel tawh a, German club ṭha Bayern Munich tan pawh a khel tawh bawk. Kum 2011 aṭang khan manager hna hi thawk ṭanin Hannover 96 II a enkawl a, senior team a enkawl hmasak ber chu VfL Wolfsburg a ni.

French manager Ismael hian English club Barnsley leh West Bromwich Albion pawh a enkawl tawh a, a club enkawl hnuhnun ber chu Besiktas a ni. Hornets hi Championship inelna khelh zawh takah khan 11-na an ni a, playoff an khelh phak loh avangin khelh tur an nei tawh lo a, season thar atan an inpuahchah ang.