Bayern-in uchuaka sum sen kan tum lo - Kahn

Bayern Munich CEO Oliver Kahn chuan nipui bazarah uchuak a sum sen an tum loh thu a sawi a, Bavarians hian tun season-ah Robert Lewandowski thlakna an neih loh avangin Polish striker thlakna hi tun nipui bazarah hian an la tura ngaih a ni.

Kahn chuan, "Player man a to viau a nih chuan an man zat ang kha club-in an laklet theih chen tur kha hriat a ngai a, chumi a nih loh chuan risk a sang mah mah ang," tiin Napoli striker Victor Osimhen chungchang a sawi a, Nigerian striker hi euro maktaduai 150 vel tura sawi a ni.

Bayern hi striker nen an sawi zawm nasa a, Harry Kane leh Kolo Muani hmingte pawh a lang. Kahn chuan, "Harry Kane chungchang sawi ka tum lo. Kan player a ni lo. Kolo Muani pawh a danglam chuang lo. Club dang player chungchang ka sawi duh lo a, chutihrualin striker chu kan melh a ni," tiin a sawi.

Kahn hi a inkhelh hun laiin khawvela keeper ṭha bera chhal ngam a ni a, CEO a nih hnuah erawh thutlukna sawizui hlawh tak a siam. Bayern hian March thla tawpah treble champion thei an ni nachungin Julian Nagelsmann an ban a, manager atan Thomas Tuchel an lalut. Chelsea manager hlui Tuchel hnuaiah Bundesliga chiah nomawi chawi theih an nei tawh a ni.