Chennai Super Kings-in playoff an hnaih

Indian Premier League-ah Nilaini zan khan Chennai Super Kings chuan Delhi Capitals chu 27 runs-in an hneh a, match 12 aṭangin point 15 hmuin pahnihnaah an awm mek.

MA Chidambaram Stadium-ah MS Dhoni hoten an bat hmasa a, che ṭha fal awm lo mah se Ruturaj Gaikwad (24), Ajinkya Rahane (21), Shivam Dube (25), Ambati Rayudu (23), Ravindra Jadeja (21) leh Dhoni (20) ten run 20 an siam vek.

CSK-in over 20-ah 167/8 runs an siam a, Delhi tan chak theihna kawng a la inhawng ṭha. Capitals opener leh captain David Warner-a'n run khat pawh a siam lo a, Rilee Rossouw-a'n 35 runs siam mah se 140/8 runs chauh an tlin. Mualneitu Chennai 27 runs-in an chak.

Zanin dar 7:30 hian hmahruaitu Gujarat Titans leh pathumnaa awm Mumbai Indians te a inkhel dawn a, inkhel hmuhnawm a ni dawn.