Ramhlun North-in semifinal an lut

Chhinga Veng Branch YMA-in an branch Diamond Jubilee puala an buatsaih Thanpari Pautu Memorial Inter Branch YMA Basketball Tournament semifinal chu a hriat kim ta. May 10, Nilaini zan khan quarterfinal match hnuhnung berah Ramhlun North chuan Zarkawt chu 98-94 in an hneh.

Inelna hi Hawla Indoor Stadium-ah khelh a ni a, semifinal hi May 13, Inrinniah khelh a ni dawn. Tlai dar 5:00-ah Kanan leh Khatla South te an inkhel ang a, zan dar 8:00-ah Ramhlun North leh Bungkawn te an inkhel ang.