Rajasthan chakna Jaiswal

Ningani zan Indian Premier League-ah Rajasthan Royals chuan Kolkata Knight Riders chu wicket kuain an hneh a, Royals tan Yashasvi Jaiswal-a'n thi loin 98 runs a siam. KKR hian an bat hmasa a, over 20-ah 149/8 runs chauh an siam.

Rajasthan Royals bat hun a thleng a, Jos Buttler-a'n run khat pawh siam lo mah se opener Jaiswal-a'n ball 47 lekah 98 runs a siam a, Sanju Samson-a'n thi loin 29 balls-ah 48 runs a siam ve bawk. Royals hian ball 13.1 lekah 151/1 runs an siam a, hnehna an chang.

Indian international hlui Suresh Raina chuan, "Indian selector chu ni ila, Jaiswal hi World Cup squad atan ka ko ang. A khelh dan hian Virender Sehwag min ti hre chhuak a, Rohit Sharma (India captain) pawhin uluk takin a khelh dan a thlir ka ring," tiin a sawi.