Sunderland tan Amad Diallo

Premier League khel tur zawnna Playoff semifinal hmasa zawk chu Inrinni zan khan khelh a ni a, Sunderland-in an mualah Luton Town chu Amad Diallo leh Trai Hume goal hmangin 2-1 in an hneh.

Luton hian Elijah Adebayo hmangin khung hmasa mah se Black Cats-in first leg-ah hnehna an chang a, an dinhmun a ṭha hret. Second leg hi May 16, Thawhlehni zan dar 12:30 hian Luton khelmual Kenilworth Road-ah an khel leh ang.

Playoff semifinal hnuhnung zawk chu nimin tlai khan Coventry leh Middlesbrough ten an khel a, goal awm loin an inhnehtawk. Boro hi Michael Carrick-a enkawl a ni a, May 17, Nilaini zan dar 12:30 hian Boro khelmual Riverside Stadium-ah second leg an khel ang.