Swiatek tan a harsa lo

Iga Swiatek chuan Italian Open khelh laiah bul a ṭan fuh hle, a zawna vawi hnih champion lai hian Anastasia Pavlyuchenkova lakah set a hloh lo a ni satliah lo, game pawh a hloh miah lo!

Polish nula hian a khingpui hi darkar khat bawr lekah 6-0, 6-0 in a sawp. A match lehpekah chuan Lesia Tsurenko a hmachhawn dawn, inkhel dangah Tsurenko hian Bernarda Pera a lo hneh ve thung a ni.

Tournament a khelh hnuhnung zawk Madrid Open final-ah Swiatek hi a chak lo, tun ṭumah chuan chetsual nawn a tum lo niin a lang. Rome khawpui bikah phei chuan a zawnin match 12 hnehna a chang tling ta hial.

Swiatek hian season hnih deuhthaw chu hmeichhe tennis a thunun tawh tia sawi theih a ni, tun season erawh Australian Open nomawi a chawi zo lo. French Open hi atan fiahna lian tak a ni dawn, chumi atan chuan inbuatsaihna ṭha a mamawh hle.