Vawiinah Mizoram Under 15 League final

16th May, 2023

Mizoram Under 15 League final chu vawiin tlai dar 1:00 hian RG Stadium-ah khelh a ni dawn a, Aizawl Grassroots Center leh Lungdai club Nancy FA ten final an khel ang.

Mizoram Under 15 League-ah hian team paruk Aizawl Grassroots Center, Nancy FA, FC Kulikawn, Beck's FA (Tanhril), Grace Academy (Sihphir) leh Vaivakawn FC te an inel.

Team paruk hi vawi hnih ṭheuh an inkhel kual chhuak a, Aizawl Grassroots hian match 10-ah point 24 hmuin pakhatna dinhmun an luah. Nancy FA leh FC Kulikawn ten point 18 ve ve hmuin head to head-ah Lungdai club an vannei zawk.

Aizawl Grassroots Center hian league round-ah Nancy FA hi ṭum hnih an hneh tawh a, final-ah pawh chak tur zawka rin an ni.