Black Cats innghahna Diallo

Championship Playoff semifinal second leg chu zanin dar 12:30 hian khelh a ni dawn a, Luton Town-in an mualah Sunderland an mikhual ang.

Stadium of Light-ah league-a che ṭha zawk Luton Town-in goal khung hmasa mah se Black Cats-in 2-1 in an lehthal. Sunderland tan Manchester United aṭanga loan hmanga an hawh Amad Diallo a che ṭha chhunzawm a, freekick aṭangin siphurh sutna goal mawi zetin a khung.

Kum 20 mi Diallo hian Sunderland tan league-ah match 37 khelin goal 13 a khung a, season ṭha bik a hmang mek. Manchester United-in season tharah Diallo hi chelh an tum niin sawi a awm a, Old Trafford-a kir hmain Ivorian winger hian Black Cats hi Premier League-a hruai kai phawt a tum dawn a ni.