Atletico Madrid an tlawm

January 15 hnua La Liga match khat chiah la tlawm Atletico Madrid chu Pathianni zan khan rin loh takin an tlawm a, second division lama tla tawh Elche chuan an mikhual hi 1-0 in an lo hneh.

Atletico tan keeper Jan Oblak chu hliam vangin a inlan thei lo a, a hmun ruaka inlan goalkeeper Ivo Grbic chuan Elche hi a goal a 'khilai' - 'throw in' aṭanga ball kal chu man nghet thei loin a lo beng ringawt a, heta ṭanga ball per hi Fidel Chaves chuan goal-ah a lo chantir a ni.

Diego Simeone-a naute an tlawm a, table-ah pathumna an nih chhunzawm. Hetihlai hian Valencia pawhin Segunda division lamah tlak an tum lo tih an pholang a, Celta Vigo chu 2-1 in an hneh.

Valencia tana Justin Kluivert goal chu mualneitu Celta hian Haris Seferovic hmangin chhanglet mah se, Alberto Mari chuan Valencia tan a khung ve leh a, 2-1 in an chak - Valencia tan hun pek belh minute thumnaa Gabriel Paulista hnawhchhuah chuan pawi a khawih thui hman lo.