Playoff khel tur Gujarat Titans

Indian Super League-ah champion lai Gujarat Titans chuan Thawhlehni zan khan Sunrisers Hyderabad chu 34 runs-in an hneh a, playoff khel tura an tlin chian bakah pahnihna aia hniama an awm theih tawh loh avangin qualifier 1 an khel dawn.

Narendra Modi Stadium-ah mikhual Surisers-in vawm hmasak an thlang a, Gujarat tan Shubman Gill-a'n century (101) siamin mualneituin 188/9 runs an siam.

Sunrisers tan target harsa a ni sa a, harsatna belhchhah turin top order-te an che chhia. Henrich Klaasen-a'n 64 runs siam mah se thlawptu ṭha a nei lo a, over 20-ah 154/9 runs chauh an siam. Hyderabad club hi an chak loh avangin beisei turin an nei tawh lo.

Zanin dar 7:30 hian Punjab Kings-in beisei tur nei tawh lo Delhi Capitals an hmachhawn ang. Delhi an chak a nih chuan Kings beiseina hi a tawp zui ang.