MMA player pariatin national inelna hmachhawn dawn

17th May, 2023

Mizoram State MMA Association (MISMA) chuan chuan 6th MMA India Senior National Mixed Martial Arts Championship, Lucknow-a khelh tur atan player pariat a tir a, nimin khan Mizo fighter-te hian Lengpui chhuahsanin inelna tur hmun Lucknow, Uttar Pradesh an pan.

May 18-21, 2023 chhunga neih tur inelnaa tel tur zinga pasarih chu Mizoram sorkar chuan a sponsor a, fighter pakhat chu a tirah ziah luh a nih loh avangin Mizoram chief minister Zoramthanga chuan a sponsor a ni.

Mizoramah hian MISMA hnuaia club pahnih SPES gym/ Dawrpui Contact Sports leh HBK Gym-ah MMA fighter-ten ngawrh takin training an nei ṭhin a, phai aṭangin international fighter hmeichhe pahnih Vridhi Kumari, Tamil Nadu leh Khushboo Nishad, Uttar Pradesh te pawhin SPES gym-ah hian thla hnih dawn training an rawn nei.