Betis tan beisei tur a la awm

Season thara Champions League khelh tum Real Betis chuan beiseina an neih an la chhi nung ve zel a, Thawhṭanni zan khan an mikhual Rayo Vallecano chu 3-1 in an hneh.

Mualneitu Betis hian minute ngana lekah Youssouf Sabaly hmangin goal hmahruai an khung a, Ayoze Pérez chuan minute 44-naah a belhchhah ve leh bawk.

Rayo Vallecano tan Santiago Comesaña chuan si phurh sut ṭhen mah se, Betis striker chhuanvawr Borja Iglesias chuan hun pek belh minute ruknaah chak nemnghehna goal a khung - Vallecano defensive midfielder Mario Suárez hnawhchhuah a ni zui a, chiang takin Betis an chak.

Real Betis hi table-ah parukna an ni mek a, palina Real Sociedad chu match li khelh turah point sarihin an phak lo mek. Match 34 khel tawhin match li khelh an la hmabak a, Sociedad hian Barcelona leh Atletico Madrid an la hmachhawn dawn avangin beiseina an la nei sang hle.

Hetihrual hian pangana Villarreal an la awm bawk. Mahse, Yellow Submarine hi point hnih chiahin an phak lo a, Villarreal hian Atletico an la hmachhawn dawn bawk.