Boro leh Carrick an kal zel dawn em?

Premier League khel tur zawnna Championship playoff second leg-ah zanin dar 12:30 hian Middlesbrough-in Coventry an mikhual dawn. First leg-ah goal awm loin an inhnehtawk a, Riverside Stadium-ah final khel tur chinfel a ni ang.

Carrick hian nikum October 24 khan relegate thei dinhmuna ding Boro a enkawl ṭan a, inkhelh dan kalhmang thlak hlawkin season tawp meuh chuan palinaah an awm.

Boro hian Carrick hnuaiah attacking football an khel a, Chuba Akpom pawh a khelh dan thlak hretin Championship neih zawh takah khan goal 28 khungin top scorer a ni hial.

Ole Gunnar Solskjaer chuan, "Michael Carrick leh Kieran McKenna te kha coach ṭha tak ve ve an ni a, inkhel kan en let hian Carrick hian ball kan chan laia player awmna hi a chik bik ṭhin. McKenna erawhin ball kan chan loin a chik thung. Carrick hian a duh a nih phawt chuan Manchester United hi a enkawl ngei ka ring," tiin a sawi.