Quarterfinal-ah Djokovic a lut

Italian Open khelh laiah Novak Djokovic chuan quarterfinal a inhlangkai, Serbian star hian Thawhlehni zan khan Cameron Norrie chu 6-3, 6-4 a hnehin last 16 a paltlang a ni.

Rome khawpuiah hian Djokovic hi a khel tluang rei ta viau, a match hnuhnung 17-ah a chak vek. Set khatnaah Norrie hian a khingpuiin set a la tur chu vawi thum a dang hram hram thei, mahse a tawpah erawh tih theih a nei chhunzawm ta lo.

Djokovic chuan, "Ka khelh tawh chinah ka lawm, a bul ṭan ṭha chiah lo mah ila a hmawr ka bawk fuh ṭhin hi a lawmawm lai chu a ni," tiin a sawi a, a match lehpekah chuan Holger Rune nen an inhmachhawn leh ang.

Inkhel dangah Daniil Medvedev chuan Alexander Zverev 6-2, 7-6 (7-3) in a hneh. Russian tlangval Medvedev hi clay court-a inkhel thiam tak ni lo mah se, a inkhel thiam zawk Medvedev a hneh thei a ni.

Seeded parukna Andrey Rublev chuan Yannick Hanfmann chu 7-6 (7-5), 4-6, 6-3 in a hneh a, seeded pariatna Jannik Sinner erawh Francisco Cerundolo lakah 6-7 (3-7), 6-2, 6-2 in a chak lo thung.

French Open inbuatsaihna tournament aṭang hian, world number 1 dinhmun luah thar Carlos Alcaraz chu a tla tawh a ni.