Championship playoff final khel tur Coventry

Michael Carrick-a enkawl Middlesbrough chuan Championship playoff semifinal-ah Coventry City chu 1-0 in an ngam lo a, Coventry-in Luton Town nena Premier League luh inchuh turin playoff final an lut.

Coventry khelmuala team pahnih intawn hmasakah goal lut loin an inhnehtawk a, second leg hi Boro khelmuala khel tur an nih avangin Carrick leh a player te hi an tlang mai rinna a lian hman hle.

Mahse, Coventry tan playmaker Gustavo Hamer chuan minute 57-naah inkhela goal awmchhun a khung a, a chhanletna tur nei lo Boro an tlawm zui.

Middlesbrough manager Michael Carrick chuan, "Eng ang pawhin game kha zir chiangin thlirlet mah ila, kan duh ang result kan hlawh chhuak chuang lo. Coventry khan rim takin final khelh tur an thawk chhuak a, lawmpui an phu a ni," a ti.

Manchester United midfielder hlui chuan sawi zawmin, "Huaisen takin result chu kan pawm mai tur a ni. Ka player-te khan an theihna zawng zawng an hlanin ka hria - kan theihtawp kan chhuah a, mahse, hun ṭha kan insiam hleithei lo a, kan siam ve chhunah kan chhawr thei lo bawk.

"An thawhrimna leh kan thlen chin avangin ka naute ka chhuang takzet a, hei hi bul ṭanna lungphumah kan ngaihthiam a, hmasawn zel dan tur kan ngaihtuah a ngai a ni," a ti a, season thar a thlir zui nghal.