Armed Veng leh Farkawn Jt te an chak

LBS Suzuki 21st Inter Branch YMA Football Tournament-ah champion ngun ber Armed Vengin champion tawh Kanan 6-0 in an hneh. Team ṭha zinga mi Farkawn Jt-in hun tawp dawna goal thum an khung hmangin Vantlang 4-2 in an hneh hram.

Kanan lakah coach BS-a Colney enkawl Armed Veng team ṭha zawk an ni a, red card hmuh avanga player pakhat ve ve hnawhchhuah an nih hnuah phei chuan an chungnung lehzual. Chutihrualin Kanan hian ni zawnin an khel a, awm hahdam hun an nei lo erawh chhuanlam tling a ni.

Farkawn Jt-in Vantlang 4-2 in an hneh a, inkhel boruak a sang hle. Minute 70-naah Farkawnin goal hmahruai khung mah se minute 80 a nihin Vantlangin 2-1 in hma an hruai tawh. A tawpah Farkawn an vannei a, minute 89 hnuah goal thum an khung. Goal hnuhnung ber hi ISL player leh captain Jerry Lalrinzuala khung a ni.

Nimin inkhelah hian Hualngohmun, Republic Vengthlang, Khawlailung, Zanlawn leh Tanhril ten an khingpui chiang takin an hneh a, mahni muala khel Muallungthu erawh Darlung lakah an vanduai.