Khawzawl Vengtharin MSVT an hneh

LBS Suzuki 21st Inter Branch YMA Football Tournament-ah Khawzawl Vengtharin Mission Vengthlang 4-2 in an hneh. MSVT hian an match hmasa berah Zemabawk East lakah goal 12 tehmeuh an khung a, ṭha takin bul ṭan mah se ni zawnin an khel a, Khawzawl Vengthar lakah fiahna an paltlang zo lo.

Khawzawl Vengthar hi seeded team zinga mi an ni a, player tawnhriat nei ṭha Vanlalnunpuia leh Lalṭhakima te an kawl. Chutihrualin last 64-ah Aizawl Venglai an tum dawn a, a awlsam lo ang.