Lakers lakah Nuggets an chak nawn

Denver Nuggets chuan nimin zing khan Los Angeles Lakers chu 108-103 in an hneh a, Western Conference Finals series-ah 2-0 in hma an hruai fal ta - Pathianni zing dar 6:00-ah game 3 an khel leh ang.

Ball Arena a ni bawk a Nuggets an huaisen ṭhin, hun tawp dawn lamah Jamal Murray a che na. Murray hian point 37 a neih zinga 23 zet chu quarter hnuhnung bera a neih a ni a, quarter pawimawh takah hian 3-points neih tuma vawi nga a vawm zinga pathum a lut hial.

Nuggets coach Michael Malone chuan, "Kan khelmual kan hmuhim thei hi a lawmawm, kan duh ang result a zawnin kan nei thei. Tunah chuan Los Angeles khawpui lam pan turin rilru kan seng ang," a ti.

Murray bakah hian NBA Most Valuable Player vawi hnih ni tawh Nikola Jokic chuan triple-double (23 points, 17 rebounds leh 12 assists) a nei a, player pahnih hian NBA champion pui tham khawp theihna an nei a ni.