Ramsdale tan contract thar

Arsenal chuan an goalkeeper Aaron Ramsdale an thlung nghet. England international hian kum li daih contract thar a ziak a, kar khata £60,000 a hlawh pawh £120,000 zetah a kang sang dawrh.

Kum 25 mi Ramsdale hian Gunners tan season a hmang ṭha viau. Premier League match 36 an khelh tawh chinah a inlan kim vek - ṭum 13 chu goal chhuah lohna inkhel a nei bawk - England tan kuminah match thum a khel tawh bawk a ni.

Sheffield United aṭanga North London club zawmtu hian Arsenal tan inelna hrang hrangah match 76 a khel tawh. Hmabak êng tak nei a la nih avangin Mikel Arteta chuan hun rei tak atana an inrem thei chu lawmawm a tih thu a sawi.

Arsenal hian zanin dar 10:00 hian Notthingham Forest an lenchilh dawn, an chak lo a nih chuan an chunga awm Manchester City chu Chelsea nen an inkhelh hmain an champion fel hman dawn.