Stadium-a buaina chhuakah mi 10 chuang an thi

El Salvador khawpui San Salvador-a football stadium-ah buaina a chhuak a, thuneitu ten an sawi dan chuan mitthi zat hi a tlem berah 12 an tling - thi leh hliam zat tak erawh tarlan chian theih a la ni lo thung.

Tualchhung club Allianza leh Fas te inkhelh laia thil thleng niin, an inkhelhna hi Cuscatlán Stadium a ni. Gate-a luh tum mipui innawk buai vanga chhiatna a thlen avang hian inkhel pawh tih tawp chhunzawm nghal a ni.

President Nayib Bukele chuan, "Chhiatna pawi leh rapthlak a ni," a ti a, thil thlen dan chhui chiang tur an din tur thu a sawi tel nghal bawk. Police lamin an tarlan dan chuan hliam leh thi an hriat theih chin hi kum 18 chunglam vek an ni.