Field paliah CYMA Football khelh chhunzawm dawn

LBS Suzuki 21st Inter Branch YMA Football chu vawiin hian khelmual pali 1st MAP Ground (Armed Veng), MSSC Ground (Muallungthu), MFA Ground (Sairang Dinthar) leh MSSC Ground (Lengpui) ah te khelh a ni dawn a, inkhelh ṭhenkhat hi last 64 a nih tawh avangin boruak a ṭang khawp ang.

Muallungthu-a inkhel tur pathum hi last 64 vek a ni tawh a, a hmuhnawm vek pawh a rinawm. Record nei ṭha Khawzawl Vengthar vs Aizawl Venglai, Armed Veng vs Hlimen bakah Bairabi Jt vs Kulikawn te a ni dawn a, Vanglaini thlirna aṭanga an intum tawk dan tura rem an ni a, a chak tura rin zawk dah hmasak zel an ni bawk.

Vawi khat inlanna turah Dawrpui Vengthar an tel a, Sairuatkima telna team hian Thingdawl Vengthar an hmachhawn dawn. Nikuma neih Inter Village Football-ah khan Lungdai an che ṭha a, vawiin hian Ṭhuampui an hmachhawn ang.

Keifang Venglai, Sihphir Venghlun leh Thingsulthliah Jt te an inlan dawn bawk a, anni hi team naran chunglama ngaih an ni bawk.