BAI AGM-ah Mizo pahnih

Badminton Association of India (BAI) chuan May 21, Pathianni khan Radisson Blu Hotel, Guwahati-ah Annual General Meeting (AGM) 2023 an nei a, he hunah hian Mizoram Badminton Association (MBA) aiawhin C. Lalsawmliana, Treasurer, MBA leh Dr K. Vanlaldinpuia, Joint Secretary, MBA te an tel a ni.

BAI AGM 2023 hi BAI President Dr. Himanta Biswa Sarma chuan kaihruaiin, kum 2023-2024 chhunga BAI kal dan tur te, national championship neihna hmun leh hun tur te bakah tun season chhunga BAI ranking tournament annual calendar te chu rel niin pawm fel nghal a ni bawk.