A tawpah Shakhtar an dingchang

Shakhtar Donetsk-in khualmualah Wolfsburg 2-1 in an hneh a, Ukraine club hian an mual NSC Olimpiyskiy-ah second leg khel mah se Europa League quarterfinal kalkawng a awlsam lo. Shakhtar Donetsk hian minute 89-naah Junior Moraes hmangin goal khatna an khung chauh a, amaherawhchu hemi hnu hian goal hnih dang khung lehin aggregate-ah 5-1 zetin an chak.

Shakhtar forward Moraes-a'n goal a khung hnuah Wolfsburg tlarhnung a pawp a, Manor Solomon leh Moraes ten goal khat ve ve an khung belh. Nilaini zan inkhel boruak a sang a, Shakhtar defender David Khocholava chu minute 67-naah hnawhchhuah a ni.

Wolfsburg-in an tamna an hman ṭangkai hmain defender John Anthony Brooks-a'n Moraes lakah yellow card vawi hnihna a chawi a, minute 70-naah an hnawtchhuak. Team pahnih hi player 10 ve vein an khel tluan a, aggregate-ah 5-1 zetin Shakhtar chak mah se hun tawp hma thlengin Wolfsburg-in beisei an nei.

Shakhtar coach Luís Castro chuan, "Second half-ah khan goal venhim ringawt tum loin goal khung kan tum. Kan chance neih kan khung danah ka lawm. Kan team hi eng team pawh khawi hmunah pawh hmachawn thei turin kan ṭha tawk a ni, tiin a sawi a, Ukranian club hian nizana Frankfurt leh Basel inkhela chak zawk an hmachhawn ang.