Ighalo-a'n training zawm lo

Manchester United chuan thlasik chawlh chhungin Marbella, Spain-ah training an nei a, striker thar Odion Ighalo bakah Paul Pogba leh Marcus Rashford te an tel ve lo.

United manager Ole Gunnar Solskjaer chuan, "China aṭangin ni 14 liam ta khan a rawn thleng chauh a, coronavirus vangin England-a let leh hi a harsat theih avangin kan hruai ngam lo," tiin a sawi. Nigerian striker Ighalo hian loan hmangin Shanghai Shenhua aṭangin United hi a zawm a, Manchester-ah mimalin training a nei thung ang.

Pogba leh Rashford hi hliam vangin team training-naah an tel thei lo. French midfielder Pogba hi Boxing Day hnuah a inlan leh tawh lo a, tunah hian ngaiawh chhoh leh tumin Dubai-ah hun a hmang mek. 

Scottish midfielder Scott McTominay chu beisei aiin a dam chak a, Marbella-a United training hi amah ang bawka inhliam vanga chawl Axel Tuanzebe nen an zawm thei dawn. Manchester United hian February 17, Thawhṭanni zanah Chelsea hmachhawn turin Stamford Bridge an tlawh ang.