A chung berah Alcaraz

Mipa tennis thuneitu sang Association of Tennis Professionals (ATP) chuan Thawhṭanni zan khan world ranking thar a ti chhuak a, a chung berah Carlos Alcaraz a awm. French Open hma chuan ranking dang a chhuak dawn tawh lo.

Spanish tlangval Alcaraz hian Italian Open khelh zawh takah khan beisei a phak lo, mahse ranking sang ber luah turin match khat khelh kha atan a tawk avangin a mamawh ang zat point an hmuh belh - French Open khelh hunah seeded pakhatna a ni ang.

Daniil Medvedev pawhin hma a sawn. Russian tlangval hian Italian Open nomawi a chawi a, clay court inelna bika a champion vawi khatna a ni. A hlawhtlinna avang hian world number 2-ah a inhlangkai a, a hnuaiah Novak Djokovic a awm.

Clay court inelna lian French Open hi May 28 aṭangin khelh ṭan a ni dawn, champion lai leh ṭum 14 ngawt nomawi chawi tawh Rafael Nadal chu hliam vangin a inlan thei dawn lo.