Seeded pakhatna tur Swiatek

French Open khelh turah Iga Swiatek chu seeded pakhatna a ni dawn. Polish nula hi world ranking chhuak tharah pakhatna a la ni chhunzawm zel a, inelna lianah pawh player dangte hmachhawn châk loh a ni ang.

Hmeichhe tennis thuneitu sang Women's Tennis Association (WTA) chuan Thawhṭanni zan khan ranking an ti chhuak a, palinaah Elena Rybakina a awm. Wimbledon champion Rybakina hian tun hnai khan Italian Open nomawi a chawi a, ranking a neih san ber ṭum a ni.

Season hmasa khan Wimbledon-ah Russia leh Belarus player tel an phal lo, hei vang hian ranking point pek an ni lo. Rybakina a champion khan point 2000 hmuh theih turah point a hmu miah lo tihna a ni, hmu ni se la chuan a ranking hi tun aiin a sang thei ngei ang.