Stefanos Tsitsipas leh a coach Philippoussis inṭhen

French Open khelh nan ni tam a awm tawh lo, world number 5 Stefanos Tsitsipas chuan chanchin lawmawm lo a nei - a coach Mark Philippoussis nen an thawhdunna an titawp.

Season hmasa chawhnu lam aṭang khan Mark Philippoussis hi Tsitsipas-a coach a ni a, tun season tir lam khan Greek tlangval hi Australian Open final a thlenpui hial, mahse an thawkdun rei thei ta lo.

Kum 46 mi Philip-poussis chuan, "Tawnhriat ṭha leh duhawm tak a ni a, team zinga ka tel thei kha ka lawm. Mahse, tunah chuan kan thil tih ho a tawp a hun," tiin a sawi.

Tsitsipas hian a coach atan amah hringtu a pa Apostolos a hmang a, tunah pawh a la hmang chhunzawm ang. Coach a neih zinga pakhat Philippoussis tel loin French Open chu a khelh a ngai dawn tihna a ni.