Secod round-ah Srikanth a lut

Badminton inelna Malaysia Masters neih laiah Kidambi Srikanth chuan second round a invaw kai a, amah ang bawka Indian player dang Ashmita Chaliha leh Aakarshi Kashyap te erawh hneh nei loin an zinkawng a tawp nghal thung.

World number 1 hlui Srikanth hian Toma Junior Popov chu 21-12, 21-16 in a hneh a, harsa lo takin second round a inhlangkai. Inkhel dangah Ashmita erawhin world number 10 Han Yue chu 21-17, 21-17 in a hneh lo.

Indian tlangval dang Aakarshi tan pawh Akane Yamaguchi chu a la thiam hret, world number 1 leh world champion lai ni bawk lakah hian 21-17, 21-12 in a chak lo zawkah a ṭang.

Hmeichhe singles lamah PV Sindhu pawh a inlan, nizan khan Olympic medal pahnih la tawh hian a match hmasa ber atan Line Christopherson a hmachhawn a, inkhel result erawh kan hre hman lo.