LBS Suzuki 21st Inter Branch YMA Football Tournament chu vawiin hian khelmual pathumah khelh chhunzawm a ni dawn. Ṭum hnih ngawt final lut tawh Vaivakawnin chawhma dar 9:30 hian 1st Bn. MAP Ground-ah MPL club nei Venghnuai an hmachhawn dawn.
Vaivakawn hi an player pawimawh Lalengmawia Ralte-in (Apuia) a telpui thei lo a, Venghnuai zawk hi rinkai zawk an ni thei ang. Marpara leh Falkland te intluk tawk viau tura ngaih an ni a, Hnahlan Jt. leh Keifang Venglai hi hmuhnawm tura ngaih an ni thung. Keifang Venglai hi coach H. Lalhlimpuia'n a enkawl a, Mizoram leh Mizoram Police inngahna ni ṭhin Lalbiakhlua chu an player pawimawh a ni.
Vawi thum champion tawh Electric Veng an inlan leh dawn a, khawtual team Sairang Dinthar nen MFA Ground-ah an inkhel dawn. Electric Veng tan hna a awlsam lo ang. 
MFA Ground-ah Sairang Vs Lengpui Model bakah Airfield Vs Lungdai te an inkhel dawn. Lungdai hi tun hnaiah hma an sawn hle. Lengpuiah Mualpui leh Bethlehem te an inkhel dawn a, MPL club nei Bethlehem buk a rit hretin a rinawm.
Lengpuia inkhel tur match hnih dang pawh boruak lian a ni lo. Ramhlun Vengthar leh Seling te an inkhel dawn a, Rawpuichhip leh Thingsulthliah Jt. te an inkhel bawk ang. Thingsulthliah hian tun hnaiah hma an sawn hret a, last 32 thleng tura ngaih an ni.