Quarterfinal-ah Sindhu leh Prannoy

Badminton inelna Malaysia Masters 2023 khelh laiah PV Sindhu leh HS Prannoy te chuan quarterfinal an invaw kai a, season an hman ṭhat tawk loh siamṭha turin kawng dik an zawh mek zel.

BWF World Tour Super 500 neeih mekah Prannoy hian All England champion Li Shi Feng chu 13-21, 21-16, 21-11 in a hneh a, a match lehpek atan vawiin hian Japan tlangval Kenta Nishimoto nen an inkhel leh ang.

Olympic medal vawi hnih dawng tawh PV Sindhu chuan Aya Ohori chu 21-16, 21-11 in a hneh. Sindhu hian Japan nula hneh turin minute 40 bak a mamawh lo, semifinal lut tur erawh chuan Chinese shuttler Zhang Yi Man a hneh leh a ngai dawn.

Inkhel dangah Kidambi Srikanth chuan 2023 World Championship silver medallist Kunlavut Vitidsarn chu straight set hmangin a hneh. India tlangval hi game pahnihah 1-8 leh 13-18 in hniam mah se, a tawpah 21-19, 21-19 in a chungnung let ve ve a ni.

Nizan khan mipa singles inkhel dangah Lakshya Sen a inlan a, result erawh kan hre hman lo.