Coventry nge Luton Town?

Premier League khel tur zawnna playoff final chu zanin dar 9:15 hian Wembley Stadium-ah Coventry leh Luton Town ten an khel dawn.

Coventry hi kum 1992-a Premier League din a nih khan England-a football inelna sang berah hian an tel. Kum 2001 khan Premier League aṭangin an tla thla a, League Two hiala tlak thlak laite nei mah se tunah chuan Premier League khel leh thei dinhmunah an ding.

Luton hian Premier League an la khel ngai lo a, chutihrualin first division erawh an khel tawh ṭhin. League-ah Luton hi pathumnaah an awm avangin Coventry aiin an buk a rit hret dawn a, chutihrualin final a nih tawh avangin engpawh a thleng thei thung.