Electric Veng leh Venghnuai an chak

Nimin LBS Suzuki 21st Inter Branch YMA Football Tournament khelh chhunzawm a ni a, MPL club nei veng Electric Veng leh Venghnuai ten hnehna an chang. Electric Veng hian MFA Ground-ah khawtual team Sairang Dinthar chu 2-1 in an hneh a, team ṭha 32 zingah vawi thum champion tawh Electric Veng an inhlangkai.

Venghnuaiin Vaivakawn 1-0 in an hneh a, MPL club nei veng hian ṭum hnih final lut tawh Vaivakawn lakah minute ngana lekah ZD Laltlansanga hmangin khung mah se goal dang an khung belh tawh lo.

Inkhel dangah Marpara, Keifang Venglai, Lunglei Model, Mualpui, Seling, Thingsulthliah leh Lungdai ten hnehna an chang. Kumin CYMA Football inelnaah hian team 145 an tel a, last 32 zawhah fixtures hi pawh ṭhat leh tur a ni.