PSG tan champion hun?

Paris Saint Germain tan Ligue 1 champion ni turin hna a tam tawh lo. Zanin dar 12:30 hian Strasbourg an lenchilh dawn, point khat lek an hmuh belh a nih pawhin an champion tih an nemnghet thei dawn a ni.

PSG hian match 36 aṭangin point 84 an nei tawh a, pahnihna Lens aiin point rukin an sang - tun dinhmunah pawh champion tluk chu an ni tawh, an chak lo a nih pawhin inkhel dangah Lens an chesual a nih chuan an champion tho ang.

Paris club PSG coach Christophe Galtier chuan, "Tun hnaiah a zawnin match thum kan chak thei a, rilru hah leh min kamtu pawh a zia ta deuh, tunah chuan nuam ti takin kan khel thei leh tawh," a ti.

Season an hman ṭhat tawk loh avangin PSG hian sawisel an hlawh. Ligue 1-ah hian an champion a nih chuan tun hnai season 11 chhunga a vawi kuana tur a ni ang.

League champion nih ringtawh hi Galtier tan a hna ngai chelh chhunzawmna tham erawh a ni lo mai thei. PSG leh manager hrang hrang an sawi zawm mek, chung zingah chuan Luis Enrique pawh a tel mek.