Vawi hnih champion tawh Ramhlun South an tla

LBS Suzuki 21st Inter Branch YMA Football Tournament-ah Inrinni khan CYMA Football-a champion tawh team pali Ramhlun South Chanmari, Republic Veng leh Lengpui an inlna a, Ramhlun South an chak zo lo.

MFA Ground, Sairang Dintharah champion lai Chanamriin harsatna nei loin Zemabawk 7-1 in an sawp a, champion nawn leh tur pawhin an ṭha tawk tih an pholang. Kum 2005 champion Republic Veng pawhin Darlawn 6-0 in an hneh a, FC Bethlehem midfielder Lalnunzira'n goal li ngawt a khung.

Ramhlun South-in Thenzawl Jt an hmachhawn a, sulhnu nei ṭha zawk an talbuai. Thenzawl hian minute 88-naah 3-1 in hma an hruai a, mahse Ramhlun South-in Malsawmfela penalty leh injury time-a Lalremruata goal hmangin an sut zo. Penalty shootout-ah Thenzawl Jt an vannei zawk a, Ramhlun South hneh thei team hi dah hniam theih an ni lo.

Lengpuiah team ṭha pathum an chak vek a, ITI Veng leh Bethlehem Vengthlangin an khingpui Zanlawn leh Republic Vengthlang an sawp ve ve. Champion tawh Lengpuiin an khawtualah Dawrpui Vengthar 9-0 in an sawp a, F. Lalremsanga'n hattrick a siam.