MSL khel turin Champhai district an tling

Tualchhung basketball inelna lian ber - Mizoram Super League season tharah Champhai District kan hmu leh dawn, district qualifying final-ah Champhai hian Kolasib district chu 91-64 in an hneh.

MSL season liamtaah khan Champhai hi an inlan a, mahse an inhamtang zo lo. Amaherawhchu, dan siam sa angin district qualifying an khel zui leh nghal thei a, inelna hmachhawn turin an tling leh nghal a ni.

MSL season 9-ah hian Champhai bakah Nursery Veng leh VR4 te kan hmu dawn. Anni hian team awmsa Zarkawt BCA, Khatla TBL, Mission Veng Hotshots, Bungkawn LB Associates leh Chanmari Vikings te nen tournament an khel ang.