Nadal vanga lungngai Djokovic

Novak Djokovic chuan hun rei tak a elpui lo ni tawh Rafael Nadal chanchin chuan a ti lungngai hle tih a sawi a, ani pawhin tennis khawvela a hun hnuhnung lam a hmang tawh tih a inhriat thar tih tih a sawi.

Grand Slam vawi 22 champion tawh Nadal hi hliam vangin a chawl mek a, vawi 14 a champion tawhna French Open pawh a khel thei lo. Spanish star hian nakkumah tennis a chawlhsan a rin thu a sawi tawh bawk a, a hmel kan hmu rei dawn tawh lo.

A elpui chungchang sawiin Djokovic chuan, "Nadal-a'n season thar zawh hunah chawlh a rilru tih ka lo hria a, kei pawh hi ka kim lo ta riauin ka inhre hial. Kei ngei pawh hi engtiang chena rei nge ka khelh zel theih ang tih min ngaihtuah tir nasa hle," a ti.

Djokovic pawh hi kum 36 mi a ni tawh, a vanglai a pel tawh. Tun hnai khan Carlos Alcaraz lakah number 1 a nihna a hloh - Alcaraz bakah hian Danill Medvedev chuan a rawn kum, tunah hian pathumna a ni mek.

Nizan aṭanga khelh ṭan French Open-ah pawh Djokovic hi seeded pathumna pek a ni, vawiin hian a match hmasa ber atan Aleksandar Kovacevic a hmachhawn ang. A champion thei a nih chuan Nadal kalsanin major title nei hnem ber a ni ang.