Europe-ah Aston Villa

Unai Emery-a'n Aston Villa a enkawl tirh kha chuan Premier League aṭanga tlak hlauhthawnawm zinga mi an ni. Spanish manager hian hun rei lote chhungin danglamna nasa tak a thlen - season tharah chuan European football an khel dawn.

Villa hian an league match hnuhnung berah Brighton and Hove Albion chu 2-1 in an hneh. Douglas Luiz leh Ollie Watkins te goal chu Brighton lamin Deniz Undav hmangin sut ṭhen mah se inkhel result a thlak danglam phak tawh lo.

Kum 13 zet a liam hnuah Aston Villa hian European football an khelh leh dawn tihna a ni a, an tan chuan Europa Conference League khel tura tlin ringawt pawh hi hlawhtlinna sang tak a ni phak.

Aston Villa manager Emery chuan, "Ka naute hian kan thil tum tihlawhtling turin thla ruk chhung chu ka ruahmanna min zuisak. Villa hian sulhnu a nei ṭha, tun hmain European Cup kan la tawh, chuvangin thil thar a ni dawn lo.

"Europe-a inlan chuan squad chhah a ngai a, media lam pawhin kawng hrang hrangin kan chanchin an sawi dawn. Kei chuan hetiang chona hmachhawn hi ka nuam tih zawng tak a ni," tiin a sawi.