Tuipuiralin Sujith an lalut

Pro Volleyball League khel tur Tuipuiral Volleyball Club chuan a tikimtu nih satliah mai an tum lo, a vawi khat nana tualchhung volleyball inelna sang ber khel tur hian Karnataka atangin Sujith Kumar an lalut.

Tuipuiral Volleyball Club hian Farkawn khuaah inbuatsaihna an nei mek. Tun ṭuma an lakluh Sujith hian 2019 Pro Volleyball champion Chhinga Veng Spikers tan a khel tawh a, season hmasa khan Tuichangral tan a khel tawh bawk.

State pawn player zingah chuan Mizoram chhunga tawnhriat nei ṭha a ni - team thar Tupuiral tan chuan a ṭangkai khawp ang. Tun season PVL an match hmasa ber atan June 8 hian Chhinga Veng Spikers nen an inhmachhawn ang.